Friday, January 21, 2011

یاسای سویدی و وڵاتی مۆزەمبیقی

وەزارەی پەروەردە دەیەوێت گۆڕان بکات.
چەند کەسێک، کە لە سوید و وڵاتانی ئەسکەندەنافیا لە کارگەی قوماشدا کاریان کردووە، دێنەوە و لەگەڵ خۆیاندا سەرو مەنهەج و سیستەمێکی تازەمان بۆ دێننەوە.
یەکێکیان دەڵێت، با لە جێی قوتابخانەی سەرەتایی و ناوەندی و ئامادەیی، بنەڕەتی و ئامادەییمان هەبێت

بزووتنەوەی خوێندکاری کوژراوی دەستی حیزبەکانە


وەکو هەموو کایەکانی تری وڵات، خوێندن و خوێندنگا  و خوێندکارانیش بوونەتە قوربانی دەستی حیزبایەتی لە کوردستاندا.
تاوانی بە حیزبیکردنی کایەی خوێندن لە ئەستۆی هەموو گروپ و تاقمە سیاسیەکانی ئەم هەرێمەدایە.
حیزبە کوردیەکان خاوەنی دەیان ڕێکخراوی جۆراو جۆرن، تەنانەت ڕێکخراوی تایبەت بە منداڵانیشیان هەیە.

Saturday, November 20, 2010

نامانه‌وێت کوردستان ببێته‌ جه‌نگه‌ڵستان، بکوژان بگه‌ڕێننه‌وه‌ زیندانه‌کانیان

هه‌واڵی ئازادکردنی تاوانبارێکی ترسناک که‌ پێش چه‌ند ساڵێک هه‌ستاوه‌ به‌ کوشتنی دوو خوشک به‌ ناوه‌کانی مه‌هاباد و جوان مایه‌ی لێخۆشبوون نیه‌. ئه‌وه‌ی ڕوویداوه‌ هه‌ڵه‌یه‌کی یاسایی و ئه‌خلاقی گه‌وره‌یه‌ و ناکرێت هه‌روا با ئاسانی به‌سه‌رماندا تێپه‌ڕببێت.

سزای تاوانی کوشتن یان سێداره‌یه‌ یاخود زیندانی هه‌تاهه‌تاییه‌و نه‌بوه‌ و نابێت که‌ بکوژ و تاوانبار به‌ ئاسانی و پاش چه‌ند ساڵێک له‌ زیندانی ئازاد بکرێت.

Saturday, November 6, 2010

بڵاوکردنه‌وه‌ی ناوه‌کان به‌و شێوازه‌ هه‌ڵه‌یه‌کی گه‌وره‌یه‌، تایبه‌تمه‌ندی خوێندکاران له‌ مه‌ترسیدایه‌

ئه‌مڕۆ وه‌زاره‌تی خوێندنی باڵا و توێژینه‌وه‌ی زانستی هه‌ستا به‌ بڵاوکردنه‌وه‌ی ناوی خوێندکاره‌ وه‌رگیراوه‌کان له‌ زانکۆو په‌یمانگاکانی هه‌رێمی کوردستان به‌ شێوه‌ی پی دی ئێف. 
ئه‌م شێوازی بڵاکردنه‌وه‌یه‌ تایبه‌تمه‌دێتی خوێندکاره‌کانی خستۆته‌ مه‌ترسیه‌وه‌  و ئێستا هه‌ر که‌سێک بیه‌وێت ده‌توانێت ناوی چواری خوێندکار و نمره‌ و شوێنی وه‌رگرتنی بزانێت. 
ئێمه‌ لای خۆمانه‌وه‌ داوا ئه‌که‌ین که‌ سایتی وه‌زاره‌ی خوێندنی باڵا فایله‌کان له‌ ببات و له‌ جێی ئه‌وه‌ بیر له‌ شێوازێکی باشتر و سه‌لامه‌تتر بکاته‌وه‌. 
داوا له‌ هه‌موو سایت و ماڵپه‌ڕه‌کانیش ده‌که‌ین بڵاوکردنه‌وه‌ی فایله‌کان ڕابوه‌ستێنن.
لای خۆیشمانه‌وه‌ داوای لێبوردن ئه‌که‌ین که‌ بۆ ماوه‌ی بیست خوله‌ک فایله‌کانمان دانابوو. 

Friday, November 5, 2010

چۆن ڕیفۆرم به‌رده‌وام بێت؟

دکتۆر دلاوه‌ر عه‌لادین، وه‌زیری خوێندنی باڵا 

چاوی خوێندکار

ئه‌و گۆڕانه‌ گه‌وره‌ی له‌گه‌ڵ ده‌ستبه‌کاربونی دکتۆر دلاوه‌ر عه‌لادیندا له‌ بواری ئه‌کادیمی و ئیداری خوێندنی باڵادا هاته‌ کایه‌وه‌، ئاهێکی به‌ به‌ری هه‌موو ئه‌وانه‌دا هێنایه‌وه‌ که‌ ساڵانێکه‌ خه‌و و خه‌یاڵیان ڕیفۆرمی زانکۆیی و په‌روه‌رده‌ییه‌. بونی که‌سێکی خاوه‌ن ڕوئیه‌ی وه‌ک دکتۆر دلاوه‌ر ئه‌وه‌ی وه‌بیرهێناینه‌وه‌ که‌ هه‌رگیز ڕیفۆرم و چاکسازی مه‌حاڵ نیه‌. ئه‌و ئه‌فسانه‌یه‌یشی ڕه‌وانده‌وه‌ که‌ ده‌ڵێت مرۆڤ ناتوانێت به‌رگه‌ی خۆشی و پاڵنه‌ره‌ خراپه‌کانی ده‌سه‌ڵات بگرێت و ئه‌گه‌ر له‌ بێده‌سه‌ڵاتیشدا باش بین، له‌ ده‌سه‌ڵاتدا خراپ ده‌بێت. دکتۆر دلاوه‌ر مرۆڤێکی پێگه‌یشتوه‌ که‌ ده‌زانێت چی ده‌کات و بۆچیش واده‌کات. بۆ یه‌که‌مجار ئێمه‌ وه‌زیرێکمان هه‌یه‌ که‌ به‌ خه‌مه‌ی ڕیفۆرمه‌وه‌یه‌ و ئه‌و به‌ ته‌نگی بابه‌ته‌که‌وه‌یه‌.

Thursday, November 4, 2010

ناوی خوێندکاره‌ وه‌رگیراوه‌کان ئه‌مشه‌و ئاشکرا ده‌کرێت، ئه‌وانه‌ی ناویان نه‌هاتوه‌ته‌وه‌ ده‌توانن پاشتر فۆڕم پڕکه‌نه‌وه‌

فۆتۆ: وێبسایتی وه‌زاره‌تی خوێندنی باڵا
بڕیاره‌ ئه‌مشه‌و وه‌زاره‌تی خوێدنی باڵا و توێژینه‌وه‌ی زانستی ناوی خوێندکارانی وه‌گیراو له‌ زانکۆ و په‌یمانگاکانی هه‌رێمی کوردستان بڵاوبکاته‌وه‌ . 
 ئه‌و لینکه‌ی که‌ بڕیاره‌ ناوی خوێندکاره‌ وه‌رگیراوه‌کانی تیادا بڵاوبکرێته‌و هه‌تا کاتی نوسینی ئه‌م هه‌واڵه‌ نه‌که‌وتۆته‌ کا ر.  

.http://www.mohe-cao.com/ لینکه‌که‌ بریتیه‌ له‌

Wednesday, November 3, 2010

چاوی خوێندکار که‌وته‌ کار

سڵاوێكى گه‌رم
خوێندکاران و فێرخوازانی خۆشه‌ویست

یه‌کێک له‌ مه‌زنترین گۆڕانه‌کانی دونیای مۆدێرن بریتیه‌ له‌ خزمه‌تگوزاری ئینته‌رنێت. ئه‌مێستا، ئینته‌رنێت و ئه‌وه‌ی تیایدایه‌تی خه‌ریکه‌ ده‌بنه‌ جێگره‌وه‌ی زۆرێک له‌ میدیا ته‌قلیدیه‌کان و جێ به‌ شێوازه‌ کۆنه‌کانی راگه‌یاندن لێژ ده‌که‌ن.
خوێندکاری کورد،  چیدی له‌ پۆل و ژوره‌ داخراوه‌کاندا نیه‌ و رۆژانه‌ به‌ریه‌ککه‌وتنی هه‌یه‌ له‌گه‌ڵ دونیای ده‌ره‌وه‌ی خۆیدا.
خوێندکاری کورد له‌م جیهانه‌دا شتانێک ده‌بینێت و فێر ده‌بێت که‌ به‌ته‌واوی پێچه‌وانه‌ دێنه‌وه‌ له‌گه‌ڵ سیسته‌می په‌شێو و په‌ککه‌وته‌ی زانکۆکانی خۆماندا و ده‌یان پرسیاری بێ وه‌ڵامی لا دروست ده‌بێت.
یه‌کێک له‌ کێشه‌ سه‌ره‌کیه‌کانی زانستگا و زانکۆکانی ئێمه‌ بریتیه‌ له‌و ترسه‌ بێمانایه‌ی که‌ جه‌سته‌ی خوێندکاری کوردی داگرتوه‌ و سنورکانی ئازادی وتن و بیرکردنه‌وه‌ی تا ئاستی نه‌بون بچوک کردوه‌ته‌وه‌. ئه‌م هه‌ستی ترس له‌ ئازادیه‌ به‌ شێوه‌یه‌کی ڕون کاریگه‌ری له‌سه‌ر ئاستی زانستی و مه‌عریفی خوێندکار و زانکۆکان دروستکردوه‌.
ئێمه‌ وه‌ک کۆمه‌لێک خوێنکار له‌ زانکۆ جیاوازه‌کانی هه‌رێمی کوردستان، هه‌وڵ ده‌ده‌ین له‌ ڕێی ئه‌م بڵۆگه‌وه‌، که‌ به‌رهه‌مێکی تری ته‌کنه‌لۆژیای نوێیه‌، که‌مێک سنوره‌کانی بیرکردنه‌وه‌ و قسه‌کردن فراوانتر بکه‌ین و له‌ ڕێی هه‌واڵ و بۆچونه‌وه‌ لایه‌نێکی تری ژیانی زانکۆییمان بخه‌ینه‌ ڕوو.
بێگومان سه‌رکه‌وتنی ئه‌م پرۆژه‌یه‌ش ته‌نها به‌ هاوکاری ئێوه ده‌بێت.
چاوی خوێندکار، له‌ ئێوه‌یه‌ و بۆ ئێوه‌یه‌ و به‌ ئێوه‌یه‌.
هه‌ر سه‌رکه‌وتوو بن
ستافی چاوی خوێندکار
نۆڤه‌مبه‌ری 2010