ناوی خوێندکاره‌ وه‌رگیراوه‌کان ئه‌مشه‌و ئاشکرا ده‌کرێت، ئه‌وانه‌ی ناویان نه‌هاتوه‌ته‌وه‌ ده‌توانن پاشتر فۆڕم پڕکه‌نه‌وه‌

فۆتۆ: وێبسایتی وه‌زاره‌تی خوێندنی باڵا

بڕیاره‌ ئه‌مشه‌و وه‌زاره‌تی خوێدنی باڵا و توێژینه‌وه‌ی زانستی ناوی خوێندکارانی وه‌گیراو له‌ زانکۆ و په‌یمانگاکانی هه‌رێمی کوردستان بڵاوبکاته‌وه‌ . 

 ئه‌و لینکه‌ی که‌ بڕیاره‌ ناوی خوێندکاره‌ وه‌رگیراوه‌کانی تیادا بڵاوبکرێته‌و هه‌تا کاتی نوسینی ئه‌م هه‌واڵه‌ نه‌که‌وتۆته‌ کا ر.  

.http://www.mohe-cao.com/ لینکه‌که‌ بریتیه‌ له‌

به‌ گوێره‌ی کۆنگره‌ رۆژنامه‌وانیه‌که‌ی دکتۆر دلاوه‌ر ءه‌لائه‌دین
وه‌زیری خوێندنی باڵا و توێژینه‌وه‌ی زانستی  ژماره‌ی خوێندکارانی وه‌رگیراوی ئه‌مساڵ 37 هه‌زار خوێندکاره‌ که‌ له‌و ژماره‌یه‌ش 4 هه‌زاریان له‌ زانکۆ ئه‌هلیه‌کان وه‌رگیراون و 8 هه‌زاریشیان له‌ ساڵانی ڕابردوه‌وه‌ ماونه‌ته‌وه‌. 

زیاد له‌ 3 هه‌زار خوێندکاریش له‌ هیچ زانکۆ و په‌یمانگایه‌ک وه‌رنه‌گیراون. ،وه‌زاره‌تی خوێندنی باڵا هۆکاری ئه‌مه‌ ئه‌گه‌ڕێنێته‌وه‌ بۆ هه‌ڵه‌ پڕکردنه‌وه‌ی فۆڕمه‌کان و ده‌ڵێت دوای ته‌واوبونی هاتنه‌وه‌ی ناوه‌کان ده‌توانن بێنه‌وه‌ و فۆڕم پڕکه‌نه‌وه‌ بۆ ئه‌و شوێنه‌ به‌تاڵانه‌ی که‌ ماون.